Që prej fillimit të gushtit, vendi ynë është pushtuar nga vala e të nxehtit afrikan si pothuajse gjithë vendet e tjera të Mesdheut. Ditët që lamë pas kanë shënuar temperaturat më të larta të verës, 41.6 gradë,duke e vështirësuar edhe më shumë situatën për njerëzit, që duket se kanë boshatisur rrugët e kryeqytetit duke gjetur paqe vetëm pranë detit.

Gjithsesi, shirat nuk do të vonojnë! Të mërkurën, parashikohet të marrë fund kjo valë e të nxehtit dhe temperaturat do të bien me të paktën 4 gradë celcius.

“3 valë të nxehti kemi pasur gjatë kësaj vere dhe kjo është e fundit. Parashikohet të marr fund ditën e mërkurë ku pritet të ketë vranësira dhe shira në territorin shqiptar sidomos gjatë pjesës së dytë të së mërkurës duke sjellë edhe rënie të temperaturave me të paktën 4 gradë celcius. Duke bërë që 15 ditëshin e dytë të gushtit vlerat termike të luhaten në 33 gradë afër vlerave normale klimaterike të muajit që ne ndodhemi.”- shprehet metereologia Adiola Bani për Top Channel.

Me pak fjalë, na kanë mbetur edhe pak ditë, që mund t’i përballojmë me sukses nëse ndjekim këto këshillat këtu.