Blendi Fevziu, vajza e tij, Mishel, dy fëmijët e Aleksandër Frangajt, Emi dhe Frenki dhe djali i Samir Manes, Andi, arritën të ngjisin shtegun Incas që të çon në majë të Machu Picchu, një prej shtatë mrekullive të botës. Në fotot e postuara në Instagramin e Fevziut, vihet re se pesëshja u sigurua të merrte një flamur shqiptar me vete, për ta shpalosur atje.

Blendi Fevziu dhe e bija, Mishel

Sipas agjencive të ndryshme që mundësojnë udhëtime në Machu Picchu, rruga në këmbë deri në majë zgjat katër ditë dhe çdo ditë duhet ecur rreth 6-7 orë. Për referencë, mund të shihni këtë video të YouTuber-it Casey Neistat që bën pikërisht të njëjtën rrugë me djalin e tij adoleshent.

Në të djathtë të Fevziut ndodhet vajza e tij, Mishel dhe ngjitur saj, Emi Frangaj. Vëllai i Emit, Frenki duket se është rritur e zbukuruar. Ndërsa Andi Mane, një version i ri i të atit.

Machu Picchu, që shqiptohet Maçu Pikçu, ndodhet në Peru dhe besohet të jetë ndërtuar për perandorin inkas, Pachacuti.