Cassie është tëtë muaj dhe 2 javë shtatzënë dhe po dëshmon në gjyqin për përdhunim, prostitucion dhe shantazh që po zhvillohet ndaj Sean Diddy Combs. Gjithsesi, ka pretendime nga prokurorët se në fakt, ekipi mbrojtës i Diddy-t po e zvarrit me qëllim dëshminë e këngëtares, me shpresën që ajo të lindë dhe kjo mund të shkaktonte shpalljen e gjyqit “të pavlefshëm”, duke qenë se ajo është një ndër dëshmitaret kyçe.
Prokurorët po nxisin përshpjetimin e dëshmisë së plotë të Cassie-t dhe duan që të përfundojë brenda kësaj jave.
Cassie ka dëshmuar deri më tani për 4 ditë radhazi, në orare të zgjatura, çka sipas prokurorëve, u ka dhënë mbrojtësve “shumë orë” më tepër sesa koha që këngëtarja dëshmoi për prokurorinë.
Në një letër drejtuar gjyqtarit Arun Subramanian, prokurorët thanë se ishte vonuar procesi i marrjes në pyetje. Ata argumentojnë se nuk duhet të zgjatet më marrja në pyetje, pasi nëse Cassie lind dhe rikthehet sërish në gjyq, avokatët e Diddy-t do të kenë më shumë kohë për t’u përgatitur dhe pyetjet mund ta orientojnë seancën në të tjera drejtime.
Cassie ka dhënë dëshmi tronditëse të një abuzimi të gjatë, ndërsa ishte e lidhur për 11 vjet me P.Diddy-n. Ajo ka treguar se ishte pjesë e “freak-offs”, festa të çmendura që përfshinin seks dhe konsumimin e lëndëve të ndryshme narkotike, duke nisur që nga marijuhana, kokaina, ketamina e duke përfunduar te GHB, që njihet edhe si droga e përdhunimit.
Artikuj të sugjeruar:
- Burri i Cassie-t flet për herë të parë pas katër ditëve dëshmie për Diddy-n
- Gjyqi i Diddy-t: Cassie tregon pasojat e “festave të çmendura seksuale” të reperit
- A është abuzuar seksualisht nga P. Diddy? Justin Bieber përgjigjet për herë të parë
- Chris Brown sërish në telashe me ligjin - Arrestohet për sulm fizik
- Gjyqi i Diddy-t po na tregohet përmes skicave dhe jo fotove, por pse?
- Gjyqi i Diddy-t: Cassie rrëfen për përdhunimin dhe arsyen pse dëshmon kundër Diddy-t
- Cassie dëshmon në gjyq: Rrëfim tronditës për abuzimin nga Diddy
