Në të njëzetat e saj, në fillim të viteve '90, Carla Bruni u bë pjesë e gjerenatës së parë të supermodeleve së bashku me Naomi Campbell dhe Kate Moss. Më pas, rreth moshës tridhjetë vjeçare, Bruni braktisi modelingun për t’iu përkushtuar muzikës. Gjatë karrierës së saj, ajo pati lidhje me disa nga njerëzit më të famshëm në botë.
Në fillimet e karrierës së vet, Carla Bruni ishte në një lidhje me muzikantin anglez Eric Clapton. Më pas, u raportua se modelja u përfshi në një tradhti me yllin e The Rolling Stones, Mick Jagger në kohën që ajo vazhdonte romancën me Clapton, ndërsa Jagger ishte në një marrëdhënie me modelen dhe aktoren amerikane, Jerry Hall. Marrëdhënia Jagger-Hall përfundoi në 1999-n, pas 22 vitesh dhe thuhet se shkak u bë Bruni.
Përpos tyre, Carla Bruni është përfolur edhe për lidhet me Donald Trump dhe yllin e filmave Kevin Costner.
Po kështu, diku tek dhjetë vite më parë, ajo jetonte me botuesin francez Jean-Paul Enthoven. Më pas, u dashuria me djalin e tij, filozofin Raphaël Enthoven, i cili ishte 10 vite më i vogël se ajo.
Ata u martuan fill sapo ai u divorcua nga gruaja Justine Lvy, e cila në vitin 2004 u hakmorr ndaj tyre duke shkruar një roman që pati tepër sukses, “Nothing Important” (Asgjë e rëndësishme). Carla dhe Raphaël kanë një djalë 17 vjeçar, Aurélien Enthoven.
Sot, Carla Bruni është e martuar me ish-presidentin e Francës, Nicolas Sarkozy, me të cilin u takua në një darkë në nëntor të vitit 2007, një muaj pasi ai ishte ndarë nga Cécilia Attias. Carla dhe Nicolas u martuan më 2 shkurt të vitit 2008 dhe janë prindër të vajzës shtatë vjeçare, Giulia. Sarkozy është prind edhe i tre fëmijëve të tjerë nga martesa e mëparshme: Jean dhe Pierre (nga martesa me Marie-Bominique Culioli 1982-1996) dhe Louis (nga martesa me Cécilia Attias 1996-2007).
Siç mund ta keni lexuar, dje (21 qershor), Carla Bruni mbajti një koncert në Amfiteatrin e Butrintit me këngët e albumit më të fundit, të titulluar “French Touch” i cili u publikua në vitin 2017.
