Edhe për disa minuta në vazhdim, keni mundësinë t’i uroni një mëngjes të bukur njeriut tuaj të zemrës. Ndryshe nga ç’bëni zakonisht, sot përpiquni të dërgoni një ~mirëmëngjes~ ndryshe!

Mos nguroni të shprehni dashurinë dhe kur më mirë se në fillimin e ditës. Si thoni për një mesazh në celular, të tipit:

“Ky mëngjes po më duket i trishtë pasi nuk munda dot të zgjohem pranë teje. Nuk mendon dhe ti kështu? Të dua!”

apo:

“Nuk të pashë as sonte në ëndërr. Takohemi?”

Për të vazhduar me diçka më shekspiriane:

“Ky mëngjes erdhi me dashuri dhe gëzim për mua, falë teje. Ditë të bukur zemër.”

Tani, pse jua thamë ne të gjithën këtë? Shumë e thjeshtë; nisur nga ç’shprehin specialistët e marrëdhënieve në çift, një sms interesant nga ana e partnerit/es që në orët e para të mëngjesit premton një raport më të shëndetshëm përgjatë gjithë ditës.

Nxit flakët e dashurisë mes jush dhe rrafshon hatërmbetjet e së djeshmes. Ndaj rrëmbeni celularin dhe mundohuni të shkoni përtej të zakonshme “Mrgj u zgjove?”

Jeni vetëm disa fjalë larg një dite pasionante...