E ftuar pasditen e sotme në “Ftesë në Pesë”, artistja Genta Ismajli nuk nguroi t’u përgjigjej pyetjeve të bëra, me përjashtim të “Kush është ajo artiste shqiptare që mendon se gëzon një famë të pamerituar”, të cilës këngëtarja iu përgjigj me “ka shumë” duke mos përmendur as edhe një emër.

Fillimisht Ismajli zbuloi se cila pjesë e trupit, sipas saj, është më tërheqësja, pra pika e saj e fortë.

Këmbët!

Më pas, Genta tregoi një të metë: ha thonjtë! Kur është e stresuar, e emocionuar apo kur bluan diçka në mendje.

Lajmi më i shëmtuar për të?

Vite më parë, u tha se Ismajli ndërroi jetë.

E pyetur se si duhet të jetë burri ideal për të, cilësitë ishin:

1. Të kuptojë shakatë e saj

2. Të mos jetë xheloz, se përndryshe e pengon shumë

3. Të ketë një trup të mirë

Kur e sheh veten nënë?

“Ndoshta vitin tjetër!”

Momenti më i sikletshëm në skenë?

Në fakt, Genta tregoi plot dy. Një herë i kishte mbetur taka në skenë dhe një herë tjetër kishte harruar tesktin. Ç’bëri? Ia drejtoi mikrofonin publikut duke thënë, pa dorashka, se nuk mbante mend fjalët.

Ç'bën para se të dalë në skenë?

Lutet!

Edhe për sa kohë e sheh veten në skenë?

Gjithë jetën.

Ka përfituar ndonjëherë nga situata, thjesht dhe vetëm sepse është Genta Ismajli?

Po, ka ndodhur. Teksa ishte në timon, në vend që të udhëtonte me 45, ishte me 120. Çfarë ndodhi? Ia falën!