“Hostel by Anabel”, nisi sezonin e tij të dytë më 19 mars, ku çdo të martë do ta shihni livestream në video.anabel.al. Ndryshe nga sezoni i parë këtë vit, “Hostel by Anabel” ndonëse e ka ruajtur “bërthamën” e vet, ka ardhur me një dimension krejt tjetër.
Risia e këtij viti, ishte “Love Likes Tirana”, web-series i parë shqiptar, që deri më tani, ndonëse jemi ende në serinë e dytë, ka ngjallur mjaftueshëm kuriozitet tek audienca.
View this post on Instagram
Seriali trajton të përditshmen e Tiranës, një Tirane që shumë pak portretizohet në prodhime kinematografike/televizive. Tirana e dashurive, ndarjeve, problemeve në familje, në karrierë, por Tirana (edhe) e një mentaliteti modern.
Por siç e thamë më lart, ky sezon zgjodhi të ruante identitetin e fillimit, por kësaj here të rikthyera ndryshe.
1. Vajzat e “Hostel by Anabel” janë po ATO!
Viola, Megi, DeaMishel, Alberta dhe Ana janë sërish bashkë, por këtë vit, janë ndryshe! Për herë të parë, do t’i shohim si aktore në role të mirëfillta kinematografike. Ndonëse talenti i tyre në aktrim u spikat që në skeçet e vitit të shkuar, “Love Likes Tirana” është sfidë e një dimensioni krejt tjetër për të gjitha!
2. Rubrika “Me provë”
Nisur nga eksperienca e sezonit të parë, këtë vit vajzat vijnë me dëshirë të dyfishuar për aventura. “Shtëpia e pushtuar” e Fierit apo “1 ditë si konviktore” që keni parë deri më tani, janë vetëm fillimi. Vende të reja dhe përjetime të paprovuara më parë e bëjnë këtë rubrikë me plotë kuptimin e fjalës, “Me provë”!
3. Anabel Lab
Besoj që deri më tani e keni parë se ç’bëhet me eksperimentet e këtij viti?! Nëse vjet çunat grimuan vajzat, apo thjesht zgjidhnin për të dalë në takim me njërën prej tyre, Lab-i i këtij viti është i një niveli krejt tjetër.
View this post on Instagram
Nën kujdesin e Dalina Buzit dhe skenaristes Klaudia Brahimaj, Anabel Lab ka realizuar eksperimente sociale të paprovuara më parë në Shqipëri. Rezultatet?! Do të qani dhe të qeshni në të njëjtën kohë!
Për këto dhe vazhdimin e serive të ardhshme të “Love Likes Tirana”,çdo të martë në orën 21:00 në video.anabel.al. Ndërkohë, ata që kanë humbur 2 seritë e para, mund të klikoni këtu.
Copyright Anabel.al / Ndalohet ribotimi pa lejen e redaksisë.
