Siç pritej, fill sapo Eni Koçi dhe Genc Prelvukaj pranuan publikisht lidhjen, nisën zërat për dasmën. U tha se burime pranë çiftit pohuan se këngëtarët janë duke planifikuar dasmën, e cila do të jetë një dasmë VIP dhe do të organizohet në 2019-n.
Mirëpo siç duket “të zotët e punës nuk dinë gjë”.
“Të zotët e punës nuk dinë gjë. Ju po na i organizuat, vijmë ne. Por ceremonitë nuk i kemi shumë qejf.” – shkruan Eni në InstaStory duke hedhur poshtë lajmin.
Çifti nuk i paskërka qejf ceremonitë, ndaj dasma mund të mos ndodhë kurrë.
Prej kohësh, qarkullonin zëra për lidhjen e tyre, por vetëm në eventin e përvitshëm “Op Labi Party”, Prelvukaj pranoi se “po, është në një lidhje me Enin”.
Më pas, këngëtarja i dedikoi disa fjalë të ëmbla përmes një postimi në Instagram.
