Aktualisht, studentët kanë rrethuar Ministrinë e Arsimit, Sportit dhe Rinisë, ku me pankarta në duar kërkojnë plotësimin e kushteve të tyre.

Protesta ka marrë përmasa kombëtarë, ku duket se edhe pedagogët kanë në plan t‘i bashkohen nismës madhore. Në krah të studentëve të Shkodrës gjendet pedagogu i letërsisë, Arben Prendi. Ai u kërkoi të rinjve që të mos tërhiqen, por madje t’i shtojnë kërkesat.

Paraditen e sotme, në protestën e Tiranës është përfshirë edhe Robert Aliaj së bashku me vajzën e tij.

“Mos u ndalni, bëni diçka sot që fëmijët tuaj të kenë të bëjnë diçka. Unë ju përshëndes” u shpreh Aliaj.

Ndërkohë gjatë ditës së djeshme, kamerat fotografuan edhe Blendi Fevziun, që u gjend pranë studentëve dhe bashkëbisedoi me ta.

Ju kujtojme se vetë ky i fundit qe në radhën e studentëve në dhjetorin e vitit 1990.

Ndërkohë nuk ka munguar as mbështetja përmes rrjeteve sociale: