Nick Jonas dhe Priyanka Chopra do të kurorëzojnë dashurinë e tyre në martesë shumë shpejt. Raportimet e gjymtuara dhe fotot e vagullta nuk janë mjaftueshëm. Duhet një film i tërë mbi historinë e dashurisë së Nickyanka. Pse?
1. Kemi të bëjmë me dy superstare. Nick Jonas ka qenë i famshëm që fëmijë, Priyanka është krenaria e Indisë. Janë të dy bukuroshë, madje Priyanka ka qenë Miss World! Nick ka vëllezër të famshëm, njëri prej të cilëve është i fejuar me Sophie Turner nga “Game of Thrones”. Me kaq detaje kemi një formulë fituese.
2. Nick dhe Priyanka kanë dhjetë vite diferencë, por Nick sillet sikur është më i madh në moshë nga ç’është realisht. Priyanka e quan “Plakushi Jonas”, detaj që e zbuloi gjatë intervistës për Vogue, teksa Nick po kërkonte nëpër hotel shapkat, pasi porositi thjesht mish gjeli deti. Tipike sjellje plakushi.
3. Pasi folën me mesazhe për muaj me radhë, Nick dhe Priyanka u panë për herë të parë në Vanity Fair Oscars Party. Ai veshi kadife, ajo temina. Kur Priyanka hyri në dhomë, gjithçka u elektrizua dhe Nick bëri ekzaktësisht atë që do të bënte djaloshi bukurosh i një komedie romantike. U ul në gjunjë dhe i tha “Je e vërtetë! Ku ke qenë tërë jetës sime?” me zë të lartë, në sy të të gjithëve.
4. Në një prej takimeve të para të çiftit, mbajtur në shtëpisë e Priyanka-s mesa duket, Nick i tha mirupafshim vajzës që i vodhi zemrën me një të rrahur shpatullave. Priyanka mendoi se tregoi mungesë respekti me veprimin. Të paktën ta kishte puthur. Por Nick i qëndroi të vetës. E ëma e Priyanka-s ishte në shtëpi dhe s’donte të binte në sy.
5. Joe Jonas, vëllai i Nick, tha për Vogue se Priyanka e bëri tërësisht për vete Nick. “Ishte si një këlysh i vogël para saj.”
6. Nick mbylli një dyqan të Tiffany & Co dhe zuri vend aty, bashkë me vëllezërit, për të zgjedhur unazën me të cilën do t’i propozonte Priyanka-s.
7. Dhe që ta dini sa njeri për së mbari është Nick Jonas, i propozoi gjatë udhëtimit të ditëlindjes në Kretë, por priti që të kalonte ora. Në këtë mënyrë, Priyanka s’do të përballej me realitetin e hidhur të dy festave në një ditë. paraprakisht, Nick i mori leje nënës së Priyanka-s, ngaqë babai i saj nuk jeton më.
8. Propozimi e shokoi Priyanka-n. “U ula në gjunjë, sërish, dhe i thashë: A do të më bësh burrin më të lumtur në botë dhe të martohesh me mua? Nuk bëj shaka – heshti për 45 sekonda. Dyzetë e pesë sekonda heshtje. Pastaj i thashë ‘Do të të vë unazën në gisht, nëse s’ke ndonjë kundërshtim’”. Sigurisht që nuk kishte asnjë kundërshtim.
9. Ceremonitë e dasmës do të mbahen sipas traditës indiane, me gjithë ekstravagancën dhe luksin e tyre. Në foto, për ilustrim, Nick dhe Priyanka pas një puja, një ceremonie lutjeje ndaj zotave hindu.
Radha jote Hollywood dhe/ose Bollywood.
