Kim Kardashian ka thënë publikisht se gjatë dasmës së parë dhe gjatë xhirimit të videos së seksit ishte nën efektin e ekstazisë.

Në episodin e fundit të “Keeping Up with the Kardashians”, gjatë një bisede me Scott Disick (ish-burri i Kourtney-t) dhe Kendall Jenner, Kim rrëfeu disa detaje për të shkuarën e saj.

“U martova nën efektin e ekstazisë, e kam fjalën për dasmën e parë,” tha ajo duke iu referuar martesës me producentin Damon Thomas në vitin 2000

“Konsumova ekstazi për herë të parë dhe u martova,” vazhdoi. “E bëra sërish dhe pastaj xhirova videon e seksit. Vetëm gjëra të këqija ndodhnin.”

Në lidhje me videon e famshme të vitit 2003 të filmuar me ish-të dashurin Ray J, e cila u bë publike në vitin 2007 dhe shërbeu si një katapultë drejt famës, Kim shton:

“Të gjithë e dinë këtë. Nofulla ime po lëkundej gjatë gjithë kohës. Kam kaluar patjetër një fazë të egër në jetën time, e kam fjalën për adoleshencën. Nuk më pëlqen më. Por, megjithatë unë ende argëtohem. Vazhdoj të jem shpirti i festës.”

Pas martesës së dytë dhe jetëshkurtër me basketbollistin Kris Humphries, Kim Kardashian – e cila tani pi më rrallë – u martua me Kanye West, me të cilin ka tre fëmijë, vajzat North dhe Chicago dhe djalin Saint.