Mjeku dhe shkencëtari shqiptar Taulant Muka – që jeton dhe ushtron profesionin e tij prej disa vitesh në Kopenhagen në Danimarkë -  është emëruar zv.ministër i Arsimit, Sportit dhe Rinisë.

Muka denoncoi në fillim të muajit tetor skandalin me plagjiaturat tek zyrtarët e lartë, përfshirë këtu deputeten dhe kryetaren e degës së PS-së, Blerina Gjylametin, dhe ish-zv.ministrin e Arsimit, Ervin Demon.

Pas skandalit që bëri bujë, Demo dha dorëheqjen, ndërsa Blerina Gjylameti vendosi të mos reagonte.

Përpara se të bëheshin publike faktet mbi plagjiaturat me doktoraturat dhe “kërkimet shkencore”, i ftuar në “Top Show” në prill të këtij viti, Taulant Muka u shpreh ndër të tjera se 80% e anëtarëve të Akademisë së Shkencave kanë zero publikime shkencore.