Krejt papritur Bardhi u përmend në një realitet ku njerëzit (sidomos të famshëm) shahen nëpër internet dhe s’reagoi shumë mirë. Ndonëse bëri një deklaratë për lajmin se Elvis Pupa është shpallur në kërkim nga policia australiane, ku e thumboi për kunjat që aktori i humorit i kishte hedhur gjatë qëndrimit të Bardhit në “BBVA” dhe lidhjes së tij me Sara Gjordenin, sërish, nuk e priti që njerëzit të komentonin kundër tij.
Të shumta ishin komentet që aluduan se në fakt, postimin Bardhi nuk e shkroi vetë, por e ‘qëndisi’ e shoqja e tij, Sara, si dhe njerëzit që shpreheshin se është momenti që Bardhi të lërë pas të shkuarën dhe të mos merret më me dramat e “Big-ut”, por, këngëtari, ndryshe nga herët e tjera që ka zgjedhur injorimin, këtë radhë, iu drejtua kërcënimit dhe reagimit të ashpër. Në komentin e tij të gjatë (dhe mendojmë se me shumë nerva, aq shumë sa s’i ka thënë fjalë në “BBVA”), Bardhi mes të tjerash u shpreh:
“O njerëz të degjeneruar, unë e kam shkruar! Unë e kam shkruar vetë dhe asgjë të keqe nuk i thashë, thjesht i urova lirinë, siç ma kishte uruar ai mua dikur (referuar thumbave të Elvisit, ku shkruante #FreeBardhi për lidhjen e tij me Sarën)”.
Më tej, vijoi:
“O nerëz të degjeneruar, se prej këtyre komenteve që shahet gruaja, lër një herë, lër 2 herë, por nesër më çahet k*** dhe shkoj në burg se e marr personale për ndonjë plehrë nga ju këtu, o plehra! E shkatërruat këtë popull duke sharë në internet, o plehra! A e dini se tragjedia vjen prej komenteve tuaja në përditshmëri?”.
Këngëtari shpërtheu duke kërcënuar komentuesit:
“As nuk ju kam bërë asgjë, as nuk ju kam borxh asgjë, ndalini këto komente se pasha Zotin, keni për të marrë në qafë veten, se kjo është gjuha që e kuptoni. Kushdo që ka problem personal me mua, le të vijë direkt, le të më shkruajë në Instagram, ia çoj adresën ku banoj e hajde ta shohim kush e ka gruan e mirë e kush të keqe. Hajdeni tek unë e jo te nusja ime, o plehra”.
Edhe Sara iu bashkua sherrit virtual, duke komentuar:
Urojmë që Bardhi të jetë qetësuar dhe që të mos kemi lajme të tipit: “Grindet Bardhi me komentuesin në Instagram” se mjaft absurditete ndodhin çdo ditë.
Artikuj të sugjeruar:
