Armina Mevlani dhe Shkëlzen Berisha bëjnë pjesë në grupin e çifteve që nuk e kursejnë dashurinë nëpër rrjete sociale.

Trëndafila, dedikime, surpriza romantike dhe detaje të tjera si këto, Armina i ndan me fansat, por edhe partneri i saj nuk mbetet pas.

Siç duket, dashuria shumëvjeçare vetëm sa shtohet me kohën dhe madje, çifti na e provon këtë edhe përmes komenteve.

Në një foto të publikuar nga Shkëlzen Berisha pak orë më parë, nga gjithë komentet ai që binte në sy ishte padyshim i Arminës.

“Po zemrën dhe dritën e njeh? Je ti!”- i shkruan ajo, por Shkëlzeni duket se nuk mendon njësoj.

“E njoh, është fotografi!”- përgjigjet ai dhe sigurisht, përveç të fejuarës së tij kush mund ta kishte shkrepur këtë foto?

Më 14 tetor, çifti kurorëzuan lidhjen e tyre në fejesë përmes një ceremonie shumë intime.