Me thuajse dhjetë vite prezencë në televizion, Luana, si shumëkush, ra pre e merakut të përhershëm të të dukurit mirë. Pavarësisht si ia nisi, Luana njihet si biondja e përhershme, me bel të hollë e vithe me forma, me tipare të theksuara dhe grim akoma më të theksuar. Prandaj, kur një vit më parë, u shfaq me paruke çokollatë, të gjithë kthyen sytë dhe tani që grimi ka ndryshuar drastikisht, po ndodh e njëjta gjë.

Puntatën e të shtunës së “Shiko kush luan”, Luana veshi një fustan të shkëlqyeshëm, kombinuar me një fytyrë të pastër. Dy ditë më parë, një disa foto në Instagram, vihej re i njëjti grim i pastër, i thjeshtë, siç e tha dhe ajo vetë në përshkrim. Për kontrast, le të përdorim puntatën e parë të “Shiko kush luan”. Dallimi është i qartë.

Në syrin tonë, duket shumë herë më mirë me grim natyral. Fundja, Luana është e bukur, tiparet i ka shprehëse dhe lëkurën të pastër. Pa futur trendet në këtë mesele (s’e morëm vesh kurrë ç’është në trend e ç’nuk është), kalimi nga grimi televiziv tek ai minimalist është zgjedhja e duhur për Luanën.

Dje postoi një foto me letra alumini në flokë, duke sinjalizuar një ngjyrë të re. Teksa po i lyente, pyeti fansat në e preferonin bionde apo brune. Sigurisht, votat nuk kanë fare rëndësi sepse dëmi është bërë tashmë, por ne shpresojmë për një ngjyrë pranë natyrales. I qëndrojmë mendimit të janarit, kur tentoi të na bënte për vete me paruke me fije mjalti. S’dukesh, fare, po fare keq brune.

Nëse edhe ju doni të ndiqni shembullin e Luanës dhe ta përdorni grimin si një mënyrë për të theksuar tiparet tuaja më të mira, mund të lexoni këshillat e Bobbi Brown, e cila revolucionarizoi botën e grimit në vitet ’80, me fytyra të pastra e ngjyra neutrale.