Kim Kardashian dhe grimieri me origjinë shqiptare, Mario Dedivanovic, lançuan në mars të këtij viti paletën “Libra” me tone për sytë.
Siç mund ta mbani mend, për inagurimin e linjës kozmetike “KKW x MARIO” ata organizuan një mbrëmje dhe rregulli ishte: Të gjithë duhet të vendosnin tonin ngjyrë blu!
Bluja duket kaq këndshëm dhe i vendos menjëherë sytë në qendër të vëmendjes.
Nga ky look i parezistueshëm është frymëzuar më parë edhe grimierja e famshme nga Kosova, Sellma. Rezultati është padyshim fantastik.
Të njëjtën ngjyrë Sellma përdori edhe në grimin e Elvanës. Përgjithësisht jemi mësuar që këtë ngjyrë ta vendosin personat që i kanë sytë blu apo bojëdeti, por edhe tek sytë kafe të Elvanës duket po aq bukur.
Pak a shumë një ngjyrë të ngjashme preferoi edhe Era në një foto të postuar në Insta Stories pak ditë më parë.
Në vijim po ju sjellim 2 video-tutorial sesi t’i lyeni sytë duke zgjedhur blunë.
Vezulloni!
