Jemi ende në fillim të vjeshtës, por kjo s’do të thotë që kërkimet për pallton e dimrit të mos fillojnë. Në fund të fundit, është veshja prioritet e stinës dhe ka nevojë për rëndësinë e duhur.

Sigurisht, përveç materialit  gjëja e parë që na tërheq është stili. Cilat janë trendet që duhet të shohim këtë sezon? Hidhini një sy më poshtë!

1. Pardesytë!

Njerëzit e duan këtë stil që kur panë për herë të parë Audrey Hepburn dhe sigurisht zgjedhin të mos heqin dorë, falë Meghan Markle-it. Një xhaketë e tillë konsiderohet si një nga veshjet që s’duhet të mungojë në garderobën e askujt.

2. Printet e kafshëve

Nuk është surprizë për ju të dëgjoni se printi leopard dhe jo vetëm, janë kryefjala e këtij viti. Nëse leopardi s’bën për ju , tigri dhe zebra në një pallto të ngrohtë do të ngjanin mrekulli.

3.  Palltot e lëkurës

Palltot e lëkurës janë trend i pavdekshëm me të cilat do të dukeni gjithnjë klas. Çfarëdo që të keni veshur poshtë saj, një pallto e tillë do t’ju bëjë të dukeni zonjë!

4. Palltot e gjyshes!

Nëse në dollapin tuaj është ende një pallto e tillë, mos ngurroni ta vishni. Janë në modë dhe duken perfekte me një palë geta dhe një fund të kombinuar bukur!

5. Pelerinat!

Për të gjithë superheronjtë, pelerinat janë rikthyer sërish këtë sezon. Ngjyrën apo motivet i vendosni ju!