Mirëdita! Jemi mbledhur këtu për një analizë të hundës së Klaudia Pepës. Ja ku është në profil:

Ja ku është nga afër:

Ja ku është nga afër dhe në profil:

Dhe ja një koment nga fotoja e fundit e balerinës.

Komentuesja e mësipërme s’është e vetmja që shprehet haptazi në profilin e Klaudias. Për ca njerëz, hunda e saj s’është pikturuar nga Leonardo da Vinci dora vetë dhe si rrjedhim, duhet bërë operacion menjëherë. Klaudia iu përgjigj me “më pëlqen kështu si e kam”, që është arsye mjaftueshëm për ta mos operuar, por për hir të diskutimit rreshtuam disa të tjerë.

“Kur je origjinale të kritikojnë, kur je e bërë gjithashtu,” thotë dikush dhe ka shumë të drejtë. Janë disa faqe (kollë e sikletshme) në Instagram që i dedikohen këtij misioni. Filozofia e tyre përmblidhet në “shiko sa e shëmtuar” dhe “shiko sa plastike”. E kapni ironinë?

“Rëndësi ka që çfarë ka arritur, e ka arritur falë punës dhe talentit,” shkruan tjetërkush dhe ka gjithashtu, shumë të drejtë. Vetëm gratë gjykohen së pari nga pamja e së dyti nga puna, thjesht për t’i zhvlerësuar si qenie njerëzore e shoqërore.

“Sa keq flasim ne shqiptarët për njëri-tjetrin.” Më keq se ç’flasim për këdo tjetër, të çfarëdo kombësie. Në vend të një fjale të mirë, sado të vogël, gjejmë cene si puna e hundës apo dekoltesë shumë të hapur.

Klaudiës i pëlqen hunda që ka dhe kjo mjafton.