Një nënë e re u detyrua të fikte aparaturën që mbante në jetë foshnjën e saj 10- ditëshe për shkak se pa dijeni i kishte transmetuar të birit virusin e herpesit gjatë lindjes.
22- vjeçarja Kira Aldcroft nga Manchester- i pati një shtatzëni të shëndetshme derisa krejt papritur iu desh ta lindte fëmijën 9 ditë para datës që mjekët i kishin caktuar.
8 ditë pasi i ndjeri Leo erdhi në jetë filloi tmerri: Kira e dërgoi me emergjencë në spital pasi të voglit po i rridhte gjak nga goja. Pavarësisht se mjekët u përpoqën, Leo nuk kishte shpëtim ndaj për të mos e lënë të vuante e ëma pranoi të fikeshin aparaturat.
Kira Aldcroft zbuloi se ishte mbartëse e virusit Herpes HSV2, një lloj herpesi gjenital që kishte prekur fëmijën në momentin që ishte sjellë në jetë. E reja tha se nuk kishte dalluar asnjë simptomë të veçantë, përveç irritimit në zonën pubike, për të cilin nuk ishte shqetësuar, em mendimin se është diçka normale për gratë shtatzëna. Nisur nga fatkeqësia e saj, Kira u bën thirrje prindërve të rinj ta bëjnë me patjetër testin.
“Kjo është thirrja ime ndaj të gjithëve, jo vetëm nënave shtatzëna.” shprehet ajo për "Daily Mail".
