Zonja e Parë e Francës, Brigitte Marcon mësohet se do të marrë pjesë si aktore protagoniste në një serial televiziv.

Konkretisht bëhet fjalë për serialin “Vestaires” (Dhomat e ndërrimit), një produksion televziv francez që ka filluar trasmetimin në vitin 2011 dhe që prej asaj kohe ka korrur mjaft sukses. Lajmi është bërë i ditur nga ideatorja dhe njëkohësisht aktorja protagoniste e këtij seriali komik, Adda Abdelli.

Sipas saj e gjithë ideja për t’i ofruar Zonjës së Parë të Francës një vend në këtë serial nisi pasi u mësua se Brigitte ishte një fanse e madhe e këtij produksioni. Ndaj për t’i bërë qejfin asaj dhe teleshikuesve stafi vendosi që në njërën nga seritë të bëjë protagoniste edhe bashkëshorten e presidentit Macron.

Episodi ku do të marrë pjesë Zonja e Parë e Francës mësohet të jetë rreth dy minuta i gjatë dhe do të ketë në qendëR të tij atletët me aftësi të kufizuara në një klub noti, bëjnë me dije mediat faranceze.

Brigitte Macron është një figurë mjaft e dashur në Francë dhe jo vetëm. Ajo ka lënë një përshtypje të mirë për stilin e saj dhe për faktin që para se të bëhej gruaja e presidentit të Francës punonte si mësuese.