Pas kaq shumë muajve të ngarkuar, përfshirë dasmën e famshme mbretërore, ardhjen në jetë të anëtarit më të ri të familjes dhe daljet e pafundme publike, Kate dhe William kanë në plan të marrin disa ditë të mira pushimi.

Sipas “Hello!” familja me 5 pjesëtarë ka zgjedhur t’i kalojë pushimet në ishullin Mustique, një parajsë private! Thuhet se bashkë me ta do të shkojnë edhe prindërit e Kate- it. I mirëizoluar, ishulli ndodhet në detin e Karaibeve rreth njëqind milje në perëndim të Barbados- it.

Plazhe piktoreske, me rërë të bardhë, ujë kristal, zero paparacë dhe 100 vila në dispozicion!

Kjo nuk është hera e parë që çifti pushon në këtë ishull. Duka dhe Dukesha kaluan disa ditë të mira në Mustique në 2012- ën dhe 2014- ën, kur George ishte shumë i vogël.