Demi Lovate, që vuan prej vitesh varësinë nga lëndët narkotike, gjendet në spital si pasojë e një overdoze. "People" raportoi se është në gjendje të qëndrueshme shëndetësore, ku për më shumë mund të lexoni duke klikuar këtu dhe këtu. Fill pasi lajmi u bë publik, emra të njohur dolën në mbështetje të këngëtares duke u lutur për shëndetin e saj, gjë që solli edhe hashtag-un #PrayForDemi (Lutuni për Demi-n).

“Të dua Demi.” – Ariana Grande

“Ne të gjithë duhet t’i mbështjellim krahët e dashurisë rreth Demi Lovato-s. Jam shumë e lumtur që je gjallë. Faleminderit, Zot. Nëse i njoh përbindëshat e mi aq shumë sa besoj, ne të gjithë të dëshirojmë paqe të brendshme. #KamBesimTekDemi. Të dua.” – Lady Gaga

“Si të gjithë ju më ra në vesh lajmi për Demi-n. Të gjithë e duam dhe duhet të lutemi për të që jetë mirë. Ajo është një luftëtare.” – Nick Jonas

“Si të gjithë ju, edhe unë po mendoj për Demi Lovato-n tani. Ajo ka nevojë për lutjet dhe mbështetjen tonë. Të gjithë e dimë sa e fortë është.” – Joe Jonas

“Po dërgoj lutjet dhe përkrahjen time tek Demi dhe familjarët e saj.” – Kevin Jonas

“Bota është kaq shumë e dashuruar me ty Demi.” – Sam Smith

“Demi, e di që je një grua e fortë. Të dua shumë dhe shpresoj që të bëhesh më mirë.” – Shawn Mendes

“E dua Demi Lovaton kaq shumë. Më thyhet zemra që ajo po kalon një situatë të tillë. Është një dritë në këtë botë dhe po dërgoj dashurinë time tek ajo dhe familjarët e saj.” – Ellen DeGeneres

“Po lutem për ty me gjithçka timen. Të duam kaq shumë.” – Bebe Rexha

“Të duam Demi. Po mendoj për ty, për familjen tënde, për ndjekësit dhe për miqtë. Lutemi për ty.” – Kesha

Demi Lovato kishte rreth 6 vite esëll dhe këtë pranverë i rrëfeu ndjekësve në një koncert në Brooklyn se pinte vodka me një shishe Sprite që në nëntë të mëngjesit, villte në makinë dhe një ditë vendosi të ndryshonte jetën e saj. Në qershor, ajo pranoi se kishte rënë sërish pre e varësisë, ku në këngën “Sober” i drejtohet nënës duke i kërkuar falje.