Në Angli, katër burra u arrestuan pasi sulmuan me acid një djalë tre vjeçar. Forcat policore thonë se djali u shënjestrua qëllimisht nga sulmuesit.
Tre vjeçari u dërgua në spital me djegie serioze në krahë dhe fytyrë. Tani për tani është në shtëpi, por autoritetet thonë se sulmi do të ketë ndikim afatgjatë në jetën e tij.
S’është ende e qartë në substanca ishte acid, apo një tjetër lëndë gërryese.
Djali u sulmua në një dyqan për dekorimin e shtëpisë, në Ëorcester, në Anglinë Perëndimore. Djali ishte në karrocë, kur ndodhi incidenti.
Të dielën, u arrestua një 39-vjeçar i dyshuar se kishte konspiruar për të shkaktuar dëme trupore. Tre burra të tjerë, 22, 25 dhe 26 vjeç u arrestuan me të njëjtën akuzë të hënën. S’është bërë i ditur emri i asnjërit.
Hetuesit thonë se s’kanë zbuluar ende shkakun pas sulmit.