Teksa isha duke qëndisur këtë dhuratë të personalizuar për një mikeshë, një pyetje më qarkullonte vazhdimisht në mendje: Ku mund të gjejmë picat më të mira rreth e rrotull?
Sipas një shprehjeje, ne s’mund ta blejmë lumturinë, por mund të hamë pica që është pak e shumë e njëjta gjë. Prandaj vendosëm që për një javë të porosisnim pica nëpër vende të ndryshme të Tiranës për të zgjedhur ato më të shijshmet.
Ja sugjerimet tona për të cilat më vonë do të na falenderoni!
“Picat e shoqërisë” mund t’i quajmë pa frikë picat e Properit. Ato janë më të përshtatshmet për ditët kur mblidhemi me miqtë e pica s’mund të mungojë si ushqim. Një gjë që më pëlqen është përdorimi i farave të susamit, detaj që nuk e gjen në vendet e tjera. Ne porositëm pica “Kolazh”, një version i ngjashëm i “4 Stinët”, dhe pica “Margarita”.
Të gjithë përbërësit ishin shkrirë në një dhe fatmirësisht pica ishte e ngrohhhtë! Pra, në mbledhjet me shokë e shoqe, “Proper Pizza” është mikja e re e grupit!
Këtë e quajtëm “Pica familjare” pasi gjithë produktet e picës “4 djathrat” ishin shkrirë në një të vetëm, si një familje.
Tek kjo lloj pice zakonisht ndodh që të ketë pak më shumë seç duhet kripë për shkak të djathit si përbërës. Por kripa ishte e balancuar, e ngrohtë, ndërsa brumi i hollë dhe i butë.
La Pizza Mia-n e quajmën “Pica Hangover”. Me vendodhjen në Bllok dhe shërbim 24 orë, është vendi perfekt ku mund të hash diçka pas një party “të çmendur” në club. Ti shkon aty jo vetëm se të hahet diçka, por sepse realisht do të hash një picë të mirë. Forma ishte pak e çuditshme, por kujt i prish punë?
Djathi zgjatej kur shkëpusje copat, gjë që është e mirë pasi tregon se përbërësit janë të shkrifët dhe të butë.
Padyshim është “Pica e ngeshme”. Sipas një specialisit amerikan për picat, nëse e keni me nxitim, mos e merrni mundimin të gatuani picë. Durimi është thelbësor dhe Pizza Time duket se zbaton këtë teori.
Vonesën e justifikoi padyshim shija e djathit të shkrifët tek pica “4 Djathrat”, brumi i ngrohtë dhe anët pak të thekrisura që më bënë t’i haja për herë të parë.
Pica që theu rekord për shpejtësinë e mbërritjes, është gjithashtu me plot gojën pica “Thyej dietën”.
Ishte vërtet shumë e mirë, pak e yndyrshme, por jo në nivele të tepruara dhe ia vlente që të thyhesh dietën për një ditë. Na besoni!
Piceri Pavarotti nuk ka shërbim taksi, por kjo s’na pengoi të shkonim ta merrnim.
Brumi i thekrisur, i hollë sa duhet dhe djathi i shkrifët na hoqi si me magji mërzitjen për faktin që na u desh të shkonim vetë për ta marrë. Eh, “Pica e lumturisë” me pak fjalë.
As Saporita nuk ka shërbim taksi, por mund ta mbani si as nën mëngë kur doni të qerasni dikë. “Pica e qerasjes” do t’ju shpëtojë kur personi që duhet të zgjedhë vendin dhe duhet të paguajë je ti.
Ambjenti është i lezetshëm dhe çmimet e përballueshme.
Por mund të provojmë me raste edhe picat tradicionale italiane. Pizza Arte sjell traditën e picave napoletane, ku u prodhua për herë të parë pica. Për pjekjen e tyre përdoren furrat e drurit ashtu si gjithë picat Made In Italy.
E në fund Pizza “Street Style”
Është pica që pothuajse të gjithëve na ka rastisur ta porosisim kur kalojmë afër Piramidës, tek Laguna. Ti e merr në dorë dhe e shijon rrugëve sepse të themi të drejtën, kujt nuk i shijon ushqimi “i shkujdesur”. Mos kalo tek Laguna pa marrë një copë picë me sallam, mish ose ton.
Ah, edhe diçka: Sipas një studimi, ne mund të hamë pica në mëngjes. Me sugjerimet e mësipërme, mesa duket mund t’i zbukurojmë edhe mëngjeset sa herë të duam!
Copyright Anabel.al / Ndalohet ribotimi pa lejen e redaksisë.
