Shënim: Kjo recetë është përgatitur nga blogerja jonë e gatimit, Jona Sulejmani.
Gjeli i detit nuk mungon në asnjë tryezë në natën e ndërrimit të viteve. Për t’ju larguar paksa mënyrës tradicionale të përgatitjes , unë do t’ju propozoj këtë recetë. Kombinimi i erëzave dhe koha e marinimit i japin mishit një shije të mrekullueshme , të cilën nuk duhet ta lini pa provuar.
Përbërësit :
Gjel deti ( afërsisht 3 kg) jo i ngrirë
100 gr gjalp
2 lugë gjelle trumëz e grirë hollë
2 lugë gjelle rozmarinë e grirë hollë
2 lugë gjelle majdanoz i grirë hollë
1 lugë gjelle piper i zi i bluar
2 lugë gjelle kripë
Lëkura e grirë e një limoni
5 thelpinj hudhre të grira në rende
2 lugë gjelle vaj ulliri
1 limon
1 hudhër e ndarë në dysh
1 degë rozmarinë
3 degë selinoje të prerë në copa
3 karrota të prera në copa
2 qepë të mëdha të ndarë në katërsh
Si ta përgatisim?!
Fillojmë duke larë gjelin më ujë të bollshëm dhe pasi të ketë kulluar , e fshijmë me letër kuzhine.
Në një tas përziejmë gjalpin me hudhrat , rozmarinën , majdanozin , trumzën , lëkurën e limonit , piperin dhe kripën.
Me kujdes , mundohemi të shkëpusim lëkurën nga mishi.Një pjesë të gjalpit me erëza , e fusim poshtë lëkurës dhe mundohemi ta shpërndajmë njëtrajtësisht nëpër të gjithë pjesët e gjelit.
Me gjalpin që mbetet lyejmë të gjithë gjelin nga jashtë.
Brenda trupit të gjelit , fusim një degë selino, limonin , hudhrën e ndarë në dysh dhe degën e rozmarinës.
I lidhim këmbët gjelit me spango kuzhine në mënyrë që mbushja të mos dalë jashtë. E mbulojmë më letër alumini dhe e fusim në frigorifer gjatë gjithë natës.
Të nesërmen , parangrohim furrën në temperaturën 1800C. Lyejmë gjelin nga jashtë me vaj ulliri , pasi nuk lejon që gjalpi të digjet.
Në tavën ku do të pjekim gjelin shtojmë karrotat , selinonë dhe qepët. E fusim gjelin në furrë dhe e pjekim për rreth 3 orë.
Kur gjeli të jetë pjekur , e zhvendosim në një pjatë dhe perimet bashkë me lëngun i kalojmë në blender që të përftojmë një krem të hollë.
Nëse do të jëtë e nevojshme , shtoni kripë ose piper sipas dëshirës suaj.
Servireni mishin e gjelit bashkë më salcën e përgatitur dhe do mbeteni të kenaqur. Mos harroni përsheshin.
Shijojeni dhe Gëzuar !
Këshilla:
Për një pjekje të mrekullueshme , llogaritni 30 minuta pjekje për ½ kg mish.
Mbasi të jetë pjekur gjeli , lëreni 30 minuta të pushojë dhe pastaj priteni për ta konsumuar. Gjatë pjekjes , lëngjet që ndodhen në sipërfaqe tentojnë të shkojnë më në brendesi të mishit , duke e lënë kështu sipërfaqen të thatë. Nësë e lini mishin të pushojë , lëngjet rikthehen duke e bërë mishin akoma më të shijshëm.
