Rihanna s’ka shumë që ka hedhur në treg markën e saj të produkteve kozmetike, “Fenty Beauty”. Siç mund ta dini, ka edhe një linjë të vetën të markës sport-fashion Puma, që gjithashtu quhet “Fenty x Puma”.
Fansat sado pak të përkushtuar të Rihanna-s i kanë fort zët njerëzit që pyesin nëpër rrjetet sociale: “Po Fenty pse?!”
Epo, për fansat e zjarrtë të Rihanna-s, të thuash që të pëlqen Rihanna dhe të mos dish çfarë është Fenty është një turp për racën njerëzore.
Fenty është thjesht mbiemri i Rihanna-s!
Emri i plotë i këngëtares nga Barbados është Robyn Rihanna Fenty, por ajo vendosi të mbante në skenë vetëm emrin e mesëm, duke qenë se ka një tingëllim që fiksohet më shpejt. Rihanna, ashtu si Madonna që mbiemrin e ka Ciccone, nuk ka nevojë për asnjë shtesë.
