Në pesë minuta kohë shpenzuar në internet, e sigurt që syri do t’ju zërë disa video tutoriale për një makeup pa makeup, ose flokë që s’duan shumë punë, ose këshilla stilimi për dembelët. Për fatin tonë të mirë, po kthehet ose po merr popullaritet pikërisht trendi i gjithë gjërave që arrihen pa mundim. Kush nuk do të bëhet gati për pesë minuta. Të gjithë duam.
Si të na kishin lexuar mendjen, shumica e koleksioneve në Javën e Modës në NY, por jo vetëm, i kishin stiluar flokët e modeleve në këtë mënyrë. Të ndarë në mes, të lëpirë pas veshit dhe të derdhur pas shpatullave. Shpeshherë me karfica ose dekorime të ngjashme mbi kokë ose pranë veshit. Kaq ishte, s’ka rëndësi në është kaçurrel , i krehur, i shtruar, i elektrizuar. Rëndësi ka të ndahet kështu para.
Në artikujt e huaj gjendet me frazën “schoolgirl hair”, pasi është një model i preferuar nga vajzat që ndjekin shkolla private (middle school) në Sh.B.A. Modeli i flokëve u vu re tek Carolina Herrera, Dolce & Gabbana, Versace, Sally Lapointe, e shumë të tjerë.
Burimi: Refinery29
