Kur mendojmë kopshtin ideal për fëmijët tanë, imagjinojmë një vend ku edukatorët janë shumë të përkushtuar, ambientet kanë higjienë maksimale dhe ushqimi është i shëndetshëm dhe i pastër. Por një kopsht i mirë nuk mjaftohet vetëm me kaq: ajo që bën diferencën është metoda e edukimit sepse gjashtë vitet e para janë vendimtare për atë që do të bëhet fëmija ynë në të ardhmen.
Prandaj kopshti “Percorsixinfanzia” është vendi që u duhej prindërve shqiptarë: Jo vetëm ka kushtet më të mira në ambientet e tij, por është një frymë e re në mënyrën sesi edukohen fëmijët në kopshte.
“Percorsixinfanzia” është kopshti ideal për fëmijët tuaj për shumë arsye. Por këtë muaj është edhe kopshti i nënave: në muajin e gruas, të gjithë ata që i regjistrojnë fëmijët brenda muajit mars, do të përfitojnë pa pagesë prillin majin dhe qershorin si edhe 20% ulje për muajt në vijim.
Fëmijët rriten duke qenë fëmijë
Me përvojën shumë vjeçare të qendrës me të njëjtin emër në Itali, “Percorsixinfanzia” i mëson fëmijët të njohin veten përmes njohjes së botës. Çdo orë është e ndërtuar në formë loje që i tërheq fëmijët të duan të mësojnë dhe të punojnë më shumë!
Dijet jepen përmes praktikës: fëmijët gatuajnë, mbjellin lule, krijojnë vetë; që tani mësohen me edukatën e punës dhe frytet që ajo sjell.
Të vegjëlit luajnë bashkë dhe mësohen me punën në grup, shumë e rëndësishme që në të ardhmen të mund të bëhen lidera të aftë, por edhe qytetarë të mirë.
Një ndër metodat më efektive të edukimit
Stafi i “Percorsixinfanzia” është i trajnuar që t’i edukojë fëmijët me një prej metodave më të mira të edukimit në perëndim. Metoda “Veltro” është një gjetje e specialistëve italianë të edukimit të fëmijëve me zhvillim normal, ndaj edhe shoqata “Percorsi” në Itali ka një status të veçantë.
Më në fund, edhe fëmijët shqiptarë mund të marrin edukimin e duhur. Kjo metodë e mbështetur në vite studimesh dhe pune me fëmijët kërkon të nxjerrë në pah anët më të mira të secilit prej tyre, të zbulojë prirjet dhe talentet, të zhvillojë personalitetin unik të çdo fëmije.
Pastërti maksimale dhe ushqim shumë i mirë
Higjiena është e dukshme në çdo cep të kopshtit, që nga klasat tek dhoma e gjumit, kuzhina dhe tualetet, që sterilizohen çdo ditë.
“Percorsixinfanzia” është i çertifikuar për higjienën.
Po kështu edhe ushqimi është shumë i pastër dhe jo vetëm: përdoret lënda e parë më e mirë, më bio, dhe çdo vakt është i përllogaritur që të përmbajë vlerat e duhura ushqimore që i duhet një fëmije për t’u rritur.
I lini fëmijët në duart më të sigurta
Edukatorët kujdesen në çdo çast që fëmijët të jenë mirë, cilido qoftë aktiviteti që po bëjnë. I gjithë ambienti, plot 300 metra katrorë, me një oborr plot gjelbërim ku ka edhe një kënd lojërash, është i survejuar nga kamerat 24 orë në 24. Kopshti është i rrethuar nga një gardh i lartë për të qenë akoma më i sigurtë.
Çdo ditë një aktivitet i ri, çdo ditë një specialist i ndryshëm
Dita e terapisë së artit; pet terapy (terapia me kafshët e buta); dita e gjimnastikës; ora me specialisten logopediste; programi i “Percorsixinfanzia” nuk mjaftohet vetëm me mësimet e përditshme, por sjell çdo ditë një specialist të trajnuar për orë ekstra gjatë të cilave fëmijët shprehin veten në shumë mënyra, që nga arti, tek sporti, tek lojërat me kafshët.
Gjimnastika dhe xhudo, dy sporte që nuk gjenden nëpër kopshte, zhvillohen nën kujdesin e specialistit psikomotricien, që fëmijët të njohin trupin dhe të dinë të drejtojnë energjinë. Piktura, krijimi i punimeve të dorës, janë të përhershme në “Percorsixinfanzia” me praninë e terapistes së artit që i nxit fëmijët të kenë besim tek vetja që mund t’i bëjnë gjërat vetë.
Psikologët kanë vërtetuar se njerëzit që i duan kafshët dhe dinë të komunikojnë me ta, janë më të afrueshëm edhe me njerëzit e tjerë dhe dinë si të komunikojnë me botën. Ndaj pet terapy është një ndër mënyrat më të mira për të nxjerrë në pah personalitetin e fëmijës tuaj. Çdo javë, zhvillohet dita e terapisë me kafshët në kopsht, një ndër më të preferuarat e fëmijëve.
Dy gjuhë të huaja
Krahas aktiviteteve të shumta, “Percorsixinfanzia” u mëson fëmijëve dy gjuhë të huaja: anglisht dhe italisht, natyrisht përmes argëtimit dhe lojës. Kjo është mënyra më e mirë për t’ia ngulitur një fëmije një gjuhë të dytë.
Në një prej zonave më të bukura të kryeqytetit
“Percorsixinfanzia” ka një pamje të mrekullueshme, i gjendur në një prej lagjeve më të bukura të Tiranës. Ndodhet në rrugën “Hamdi Sina” në zonën e Farkës pranë liqenit të thatë, i rrethuar nga të katërta anët me gjelbërim.
Shikoni këtu faqen “Percorsixinfanzia Albania” në Facebook për të parë më shumë aktivitetet e përditshme në këtë kopsht.
Për t’u informuar më në detaje, telefononi 068 43 31 886
