Nesër, më 17 nëntor, bëhen dy vjet nga vdekja e Dr. Florit. Përgjatë gjithë kësaj kohe miqtë e afërt nuk e harruan, por i qëndruan pranë familjes së tij, dy fëmijëve; vajzës Kaltrina dhe djalit Daniel.
Prej miqve më të afërt të Florit janë edhe dy ish-pjestarët e grupit “West Side Family”, që sa herë flasin për të kujtojnë momentet e bukura, të qeshura, dashurinë e tij për njerëzit përreth.
Por në prag të përvjetorit të dytë, Landi Hysa jep një mesazh prekës duke bërë pyetjen retorike: “Pse të vdes pa faj?”, shkëputur nga filmi “Përrallë nga e kaluara”. Ai shkroi në Instagram se edhe pse kanë kaluar dy vite, vdekja e mikut të fëmijërisë i duket e pakuptueshme.
“Nesër do bëhen dy vjet nga ikja jote dhe unë sërish do mendoj: "Shpeshherë, kur me vjen ndër mend Dr. Flori, më vjen në mend nje dialog nga Filmi "Përrallë nga e kaluara": - Do jetojë baba Sotiri.
- Maskarai!
- Maliqi.
- Edepsëzi!
- Kotja.
- Shtriga!
- Tana
- ...
- Gjinua
- ...
- Do dali Dielli. Do këndojnë zogjtë.
- Ja këndoi. Pse të vdes pa faj?! Ku ta gjej te drejtën?! ... "
RIP DR FLORI”
