Vera është stina e frutave të shijshme. Nga shalqiri dhe pjepri te kajsia, pjeshka dhe qershitë, është vështirë të zgjedhim se cilin frut të shijojmë.

Nëse mendoni se konsumimi i shumë frutave nuk ju bën të shtoni peshë, gaboheni. Sigurisht, një frut është shumë më i mirë se një akullore, por nëse konsumoni sasi të mëdha edhe të diçkaje të shëndetshme, merrni kalori shtesë. Prandaj, le të shohim se sa kalori kanë frutat tona të preferuara të verës:

Shalqi

Shalqiri ka shumë pak kalori, vetëm 38.9 kcal për 100 gramë. Kjo do të thotë që mund ta konsumoni në sasi të mëdha pa problem. Por kini kujdes me kombinimet! Për shembull, shalqiri klasik me djathë të bardhë rrit shumë kaloritë për shkak të djathit. Megjithatë, shalqiri është ideal për lëngje dhe madje, edhe për ëmbëlsira.

Kajsi

Kajsitë kanë pak më shumë kalori se shalqiri, rreth 45.9 kcal për 100 gramë. Tre deri në katër kajsi janë një snack perfekt për në zyrë. Mund t’i kombinoni me kos për mëngjes, t’i shtoni në smoothie, ose sallata frutash.

Pjeshkë

Pjeshkat kanë rreth 46.1-46.3 kcal, duke qenë në vendin e tretë për nga kaloritë më të ulëta midis frutave të verës. Një ose dy pjeshka janë një snack i shkëlqyer për zyrë. Pjeshkat janë të shkëlqyera në lëngje, smoothie dhe sallata frutash.

Nektarinë

Nektarinat, shumë të ngjashme me pjeshkën, kanë pak më shumë kalori: 51.3 kcal për 100 gramë për versionin e verdhë dhe 51.8 kcal për atë të bardhë. Ato janë lëngshme dhe të shijshme, ideale për recetat me fruta të verës.

Pjepër

Ndryshe nga shalqiri, pjepri ka më shumë kalori: 62.7 kcal për 100 gramë. Ai ka avantazhin që të bën të ndihesh më i ngopur. Ashtu si shalqiri, është plot ujë, çka e bën të përshtatshëm për verën, kur trupi ka nevojë për hidratim. Përveçse mund ta hani thjesht, pjepri shkon shumë mirë edhe me sallata frutash.