Jo çdo gjë ka shkuar vaj në koncertin e mbajtur gjatë së shtunës për ditëlindjen e Behgjet Pacollit dhe arsyeja për këtë, ka qenë një zënkë mes Dafina Zeqirit dhe Ledri Vulës, dy ish të dashurve të cilët ishin ftuar të performonin në vilën e biznesmenit.
Sipas burimeve të Blitz.al, shkak i zënkës ka qenë performanca në mbyllje të koncertit, të cilën si Ledri, ashtu edhe Dafina, ka dashur ta bëjë vetë. “Sherri mes tyre ishte me tone aq të larta e të ashpra, sa për një moment menduam se do rriheshin.”-ka thënë burimi.
Por, në fund dyshja e artistëve duket se është qetësuar dhe mbylljen e koncertit e ka bërë Dafina Zeqiri. Mediat e Kosovës kanë bërë me dije se ajo ishte dhe më e paguara, ndërkohë që artistë të tjerë të ftuar kanë qenë edhe Xhensila Myrtezaj, KAOS, Fisnikët, Gold AG, Elita 5 dhe Dhurata Dora.
