Adrola Dushi, ish- Miss Universe Albania 2012 është duke festuar ditëlindjen e saj në New York. Në këtë ditë të veçantë, nuk kishte si të mungonte urimi i djalit të saj Troi dhe partnerit të saj të cilët ndodhen në Tiranë. "Gëzuar ditëlindjen e bukur! Kemi shumë mall për ty...të duam shumë," shkruan bashkëshorti i saj. Nëpërmjet një videoje të postuar në Instagram, ata i këndojnë Miss-it këngën e ditëlindjes.
Adrola është një nga vajzat më të bukura shqiptare, e cila po ndërton karrierën e saj jasht kufijve. Ajo e ka shprehur gjithmonë se pavarësisht bashkëpunimeve të suksesshme që ka realizuar në Shqipëri, e mendon jetën në Amerikë ku ndodhen edhe familjarët e saj. Momentalisht ajo ndodhet në New York për punë, duke qenë kështu larg të dashurve të saj në ditën e ditëlindjes.
