Selena Gomez duket se nuk është shumë fanse e traditave klasike të dasmës – dhe për këtë ka një arsye mjaft të ëmbël (për Benny Blanco-n sigurisht) dhe shumë të çuditshme (për ne).
Në një episod të podcast-it "Table Manners", Selena zbuloi se ajo dhe partneri i saj, producenti Benny Blanco, po e mendojnë seriozisht që ta heqin fare “valsin e parë” nga dasma.
“Besoj se nuk do ta bëjmë,” – tha Selena, duke qeshur paksa me turp. “Ndjehem si… e turpëruar.” Blanco ndërhyri menjëherë, duke thënë: “Ajo është e ndrojtur.” Ajo që është e çuditshme është si një person kaq publik si Selena të ndjejë ndrojë për të kërcyer me bashkëshortin e saj, po aq publik, para familjarëve të ngushtë.
Gjithsesi, nuk është se dasma do të jetë pa emocione të mëdha. Selena do të përfshijë një moment shumë të veçantë: një kërcim me gjyshin nga ana e nënës. Dhe arsyeja pas këtij vendimi po që është prekëse.
“Gjyshi im nuk pati kurrë mundësinë të shoqëronte mamin në altar,” – tha ajo. “Sepse, për fat të mirë për mamin, ajo vendosi të ikte në Vegas dhe t’i thoshte ‘po’ babait tim, dhe që nga mosha 26 vjeç kanë qenë bashkë.”
“Ata bënë sipas mënyrën së tyre – dhe ishte shumë e ëmbël – por unë dua t’i jap gjyshit tim atë moment që nuk e pati,” – shtoi Selena.
Çifti i famshëm konfirmoi lidhjen në dhjetor të vitit 2023 dhe u fejua një vit më pas, në dhjetor 2024. “Përgjithmonë nis tani,” – shkroi Selena në postimin ku ndau edhe unazën me diamant që Benny Blanco kishte zgjedhur për të.
Selena dhe Benny njihen që prej vitit 2013 përmes mamasë së Selena-s, Mandy Teefey, dhe më pas nisën bashkëpunimin muzikor. Benny është një nga producentët e këngëve “Kill Em With Kindness” dhe “Same Old Love” nga albumi "Revival" i Selena Gomez-it, në vitin 2015.
Artikuj të sugjeruar:
Burimi: People
