Shumë prej jush e mbajnë mend ende momentin final të "Miss Albania 2001" ku fituese u shpall vajza me buzëqeshjen e kristaltë, Anisa Kospiri. Bukuroshja shqiptare, që ishte e para përfaqësuese e vendit tonë në kompeticionin më të rëndësishëm të bukurisë ndërkombëtare "Miss Universe", u rendit atë vit në 10 më të mirat e gjithë botës, duke shënuar një rekord që nuk ka mundur ta thyejë ende asnjëra nga vajzat shqiptare.

Pak pas suksesit në kompeticionet e bukurisë, Kospiri u largua për jashtë Shqipërisë duke u shkëputur thuajse tërësisht nga ekrani shqiptar. Ajo është bërë nënë e dy fëmijëve dhe tani, 15 vite nga koha kur u shpall "Miss", Anisa Kospiri i kthehet emocioneve të një kompeticioni bukurie, këtë herë në rolin e anëtares së jurisë së "Miss Universe Albania". Spektakli i madh që do të sjellë edhe një herë në Shqipëri bukuri nga e gjithë bota, do të mbahet mbrëmjen e së enjtes më 2 qershor, në ekranin e “Vizion Plus. (shfletoni galerinë)