Në sezonin pranverë/verë 2025, tendenca që ka pushtuar modën është ajo e "quiet luxury", ose luksi i heshtur. Kjo tendencë e largët nga logot e mëdha po përhapet me shpejtësi kudo.
Fokusin e ka te cilësia, thjeshtësia dhe eleganca pa “zhurmë”. Silueta të pastra, ngjyra neutrale, prerje minimaliste, janë ato që po dominojnë garderobat e sezonit. Një palë pantallona të gjera me bel të lartë, një këmishë e bardhë e hekurosur mirë, një triko pambuku, duken të zakonshme, por janë thelbi i një stili të rafinuar që nuk ka nevojë të bërtasë për vëmendje.
Kjo prirje vjen si kundërpërgjigje ndaj viteve të fundit, ku moda ishte shpesh “loud/e zhurmshme” dhe e tepruar, tani, gjithçka sillet rreth idesë që klasi nuk ka nevojë për logo.
Në rrjetet sociale po vërhet gjithnjë e më shumë ky stil: vajza me kombinime të thjeshta por të kuruara, pa shumë ngjyra, por me shumë shije. Nga ana praktike, kjo tendencë është edhe e përballueshme: sepse veshje të tilla bazike mund të sigurohen pa ndjekur trende sezonale të shtrenjta.
Ngjyra më të kërkuara të sezonit?
E bardha kremoze, bezha e ftohtë, e zeza klasike dhe e kaltërta e zbehtë, kombinime që duken të shtrenjta, edhe kur nuk janë.
Për kë është kjo tendencë?
Për këdo që do të duket mirë pa e lodhur veten dhe pa shpenzuar shumë. Sepse sot, të dish çfarë të mos veshësh është po aq e rëndësishme sa të dish çfarë të veshësh.
Artikuj të sugjeruar:
