Sipas një studimi, delet kanë shfaqur aftësi për të njohur fytyrat njerëzore. Studiuesit e Universitetit të Cambridge- it kanë arritur t’i trajnojnë delet për të identifikuar fytyra të njohura si ajo e aktores Emma Watson apo presidentit Barack Obama.
Tetë dele nga Uellsi u mësuan sesi të dallojnë fytyrat e famshme nga ato të njerëzve të panjohur, duke përdorur “fishekë” ushqimorë si shpërblim. Pasi kafshët i njohën të famshmit dhe u shpërblyen me ushqim, studiuesit e ripërsëritën provën duke ndryshuar radhën dhe këndin e fotove, por delet nuk gabuan.
"Ajo që bëmë ishte të vërtetonim nëse një dele mund të mësonte të dallonte dikë nga një fotografi." tha autori kryesor i studimit, Prof Jenny Morton.
Studiuesit thonë se mund të jetë interesante në të ardhmen për të hetuar nëse delet mund të identifikojnë shprehje të ndryshme në fytyrat njerëzore.
Burimi: BBC
