Kështu siç e dëgjuat, fobia e fundit e Loredanës është martesa. Këngëtarja e zbuloi vetë përmes një komenti në TikTok ku i përgjigjej dikujt që e pyet: "Po mendon të martohesh?"

"Unë e kam fobi martesën!"- ia kthen reperja në gjermanisht dhe mund ta marrim me mend pse. U bënë vite që ndarja e Loredanës dhe Mozzik diskutohet në rrjet. Dyshja, prindër të një vajze kanë patur marrëdhënie të komplikuar duke u ndarë dhe rikthyer sërish tek njëri-tjetri disa herë. 

"Drama" e fundit mes ish- çiftit erdhi pas këngës së fundit të Mozzik, "Të dua" u përfol për një tradhti të mundshme nga ana e saj, gjë e cila u mohua kategorikisht nga Loredana. Të gjitha këto thashetheme, fjalë pa fund dhe kunja që nuk kursehen herë pas here duket se e kanë bërë të ketë fobi vetëm nga mendimi për t'u martuar. 

Meqë jemi këtu, ju duhet të dini se ekzistojnë 5 frikërat më të mëdha pse njerëzit kanë frikë nga martesa:

1. Frika nga divorci

2. Frika se mos një ditë nuk do ta duan më partnerin

3. Frika nga tradhtia (si nga ana e partnerit ashtu dhe nga vetja)

4. Frika e një martese si ajo e prindërve (çift i distancuar, jo të dashuruar dhe një martesë me shumë konflikte)

5. Frika nga e panjohura (Si është martesa? A do ndryshojë gjithçka për mua nëse martohem?)

Nuk mund ta marrim me mend cilën nga frikërat ka Loredana për momentin, por lajmi i mirë është se këto frikëra-kalojnë!