Nëse ky Shën Valentin të gjen çift, bëhu gati për ca drama. Ky vit sjell një kombinim mes energjive dhe ndjenjave që ke mbajtur fshehur prej kohësh. Plutoni, me të gjithë intensitetin e tij do të bashkëveprojë me Afërditën dhe Marsin, ndaj ndjenjat dhe mendimet reale do të dalin në pah.
Dashi
Merri gjërat me ngadalë. Nëse sapo ke krijuar një lidhje dhe po bie në dashuri me shpejtësi, mund të ketë ca efekte negative. Nëse je në një marrëdhënie serioze, një qasje më e ngadaltë në hapat që po bën do të ishte perfekte. Sot, lër partnerin/en të të surprizojë.
Demi
Ti vdes të bësh plane për Shën Valentinin, por këtë vit, ca ndryshime në punë do të të bëjnë të ngecësh në zyrë. Lejoje veten të përqendrohesh edhe në aspekte të tjera dhe mos harro që mund të përfshish edhe mbrëmjen në planet e tua. Një natë e kaluar në shtëpi, me personin e zemrës, ndoshta është ajo që të duhet.
Binjakët
Dita e Shën Valentinit do të sjellë ndryshime dhe zbulime të mëdha në shumë aspekte. Do të marrësh një informacion të rëndësishëm që mund të ndryshojë mënyrën se si ndihesh për dikë, apo edhe të gjithë marrëdhënien. Në vend që të nxitosh dhe të veprosh direkt, prit pak kohë dhe do të kuptosh më shumë.
Gaforrja
Nëse je në një marrëdhënie serioze dhe të përkushtuar, bëhu gati për biseda të thella, të cilat do të zhvillohen pikërisht sot, në ditën e Shën Valentinit. Ndoshta partneri/ja do të qartësojë diçka që e ka munduar prej kohësh. Dëgjoje me vëmendje.
Luani
Lexo mes rreshtave, Luan! Kjo ditë speciale të mëson se ndoshta nuk duhet të jesh në marrëdhënie që nuk të bëjnë të lumtur. Nëse je në një lidhje të qëndrueshme, fol me partnerin/en për temat dhe problemet që mund të keni në çift. Në rast se je beqar/e, karriera do të jetë në listën tënde të prioriteteve.
Virgjëresha
Ti je ndër shenjat më me fat për këtë Shën Valentin, pasi planeti i dashurisë, Afërdita, po të dërgon ndjesi pozitive në zonën e romancës. Nëse po del me dikë, do t’i çosh dëshirat e tua në një nivel të ri. Kjo ditë mund të jetë e bekuar edhe për beqarët, pasi mund të njihen me shpirtin binjak.
Peshorja
Mos e rëndo veten më shumë seç duhet gjatë kësaj dite. Në rast se je në një lidhje, do të mrekullohesh nga një mbrëmje romantike, me Afërditën e cila të dhuron shumë dashuri. Nëse je single, telefono miqtë dhe kalo një natë fantastike me ta. Dashuria nuk ka kufij!
Akrepi
Këtë Shën Valentin, shko me rrymën. Pas një fillimi intensiv që solli kjo javë, je gati për t’u qetësuar. Për Akrepin e lidhur, do të kesh mundësinë të festosh në mënyrë private me personin e zemrës. Për Akrepin single, energjia do të jetë perfekte për të ëndërruar dhe manifestuar.
Shigjetari
Është momenti të festosh, Shigjetar! S’ka rëndësi nëse je në një lidhje apo single, ke pafundësisht gjëra për të festuar. Kreativiteti dhe produktiviteti yt kanë arritur majat dhe shumë shpejt, do të shpërblehesh. Një periudhë e ndritur do të vijë tek ti.
Bricjapi
Me Afërditën në krah, është çasti të dalësh dhe të bësh namin! Do të jesh personi më magnetik vërdallë dhe do të kalosh një mbrëmje të paharrueshme me partnerin/en. Për personat që janë single, kemi vetëm një këshillë: Dilni dhe na falenderoni më vonë!
Ujori
Kjo ditë mund të të sjellë ca drama dhe keqkuptime, duke qenë se Marsi është në shenjën tënde. Identifiko problemin dhe zgjidhe, para se të bëhet shumë më i madh nga mungesa e komunikimit. Nëse ende nuk ke një person zemre, miqtë e tu të ngushtë janë gjithnjë pranë teje.
Peshqit
Plot 4 planete ndodhen në shenjën tënde dhe mund të mos ndihesh shumë special/e gjatë kësaj dite. Gjithsesi, festo me veten, miqtë, ose personin që të ka rrëmbyer zemrën. Merre me ngadalë, bëj biseda që të mbushin shpirtin dhe në fund, do e kuptosh se 14 shkurti është një ditë unike.
