Sot, në “Pushime on Top” e ftuar ishte Estela Ujka, e cila foli për pranimin e trupave tanë ashtu si janë dhe trendet e rrobave të banjës, ndër të tjera. Në një moment ama, u tregua pak më e sinqertë se ç’duhej.
Buzë detit, Estela i thotë Ori Nebiajt se këtë vit, janë shumë në modë truporet, sidomos për vajzat dhe gratë që duan të duken mirë e të mos ndihen keq për trupat e tyre. Ndërsa për vajzat në formë, blogerja rekomandon bikini të bardha, të zeza ose me ngjyra të forta verore. “Vetëm jo fosforeshente si gocat e mia, se nuk e duroj dot ngjyrat fosforeshente,” shton ajo. (min 12:50)
Në atë moment, Ori i tregon kamerës rrobat e saj të banjës që sigurisht, janë fosforeshente. “Oh, shit! Oh, shit,” thotë Estela në momentin që kuptoi ç’kishte bërë. “S’ka gjë. Ndoshta je në valën e gocave të mia dhe doni të shndrini.”
Për të zbutur situatën, Estela kthehet nga vetja e thotë se tani që e sheh mirë, edhe kostumi i saj është fosforeshente. (Nuk është aspak.)
Rëndësi ka që situata kaloi me sportivitet, se fundja rroba banje janë.
