Regjisori Eduart Grishaj ka reaguar përmes 3 postimeve në Instastory rreth zërave të shumtë që ka shkaktuar edicioni i dytë i “BBVA”.
Eduarti ka ndarë me ndjekësit tre mesazhe që mesa duket i kanë ardhur nga i njëjti person.
“Rubrika: Mesazhet në Instagram
Hidden requests
Oo Eduard Grishaj, o çun legen, mendon se do na e hedhësh neve ti! Ke futur atë Luizin tënd nga Shkodra dhe i mban anën atij. Nuk la njeri pa sharë dhe ofenduar aty brenda dhe ti e mbron gjithë ditën. Nuk ke faj ti, por ne që ju shikojmë juve. Produksion i fëlliqur, nuk do ju shikojë më njeri”, shkroi regjisori, referuar thashethemeve se produksioni e mbante paksa me hatër Luizin, duke publikuar shumë shpesh situata rreth tij nëpër rrjetet sociale.
Në story-n pasardhës, ai shkruan:
“Oo Eduart, ik mor legen! T’ju vijë turp se çfarë po i bëni Luizit. Ti s’ke as gjak, as fe. Do na e hedhësh neve, – ne e dimë skenarin tuaj të fëlliqur. Ju do ta hiqni sonte Luizin, o plehra, bashkë me atë gruan tënde me zemër të kalbur”, vijoi Eduarti.
Më tej, ka publikuar edhe një mesazh që i ka dërguar i njëjti person, i cili i kërkon që t’i thotë Arbanës që t’i heqë block-un nga Instagram-i.
“O Ed, të lutem, thuaji Arbanës të ma heqë block-un se më pëlqen shumë. I bëra një koment në lidhje me “BBVA” dhe më bëri block. Edi, të luuuuteeeem!!!”, i shkruan personi dhe regjisori e ka publikuar mesazhin duke shkruar “24 orë më vonë”.
Ndërkohë, Arbana ka marrë të tjera masa ndaj komentuesve që komentojnë me fjalë të rënda dhe fyese, qartazi, duke i bllokuar ata.
Artikuj të sugjeruar:
