Nga dita e sotme hapet zyrtarisht edicioni i ri i programit veror “Summer Fest” por në vend të artistëve, të gjithë vëmendjen pritet ta marrë prezantuesja Marina Vjollca.
Bjondja bukuroshe ka postuar në profilin e saj në Instagram një foto pak para fillimit të mbrëmjes ku duket vërtet rrezatuese. Ajo ka veshur një bluzë crop ngjyrë të gjelbër e një fund me vija që i theksojnë më së miri linjat e hatashme. "Ju presim te Piramida," ka shkruar ajo nën foton që ka marrë me mijëra pëlqime e komente komplimentuese.
Por nuk mbetet pas as Luana, prezantuesja tjetër e cila ka zgjedhur një fustan të bardhë tepër elegant. Ajo gjithashtu ka postuar një foto për të lajmëruar nisjen e "Summer Fest" dhe ka treguar se edhe këtë mbrëmje, ka marrë një buqetë të madhe trëndafilash të kuq.
“Summer Fest” do të mbahet ditën e sotme tek Piramida në Tiranë e çdo javë do të udhëtojë në qytete të ndryshme të Shqipërisë por edhe të Kosovës. Në çdo mbrëmje të programit do të ketë performanca nga artistët më të njohur të showbiz-it shqiptar.
