Madonna dhe ish-bashkëshorti Guy Ritchie e kanë gjetur veten në mesin e një beteje mes njëri-tjetrit, pasi njëri prej dy djemve të saj- Rocco- refuzon të kthehet nga Londra në Shtetet e Bashkuara, për të qëndruar me mamanë e tij.
Këngëtarja e 'Material Girl' u paraqit në Gjykatën Supreme të Manhattan-it të mërkurën, duke i thënë gjykatëses se djali i saj e ka informuar se do të preferonte të qëndronte në Britani, me babain e tij producent. Diva 57-vjeçare e muzikës pop, që këto kohë është në mesin e turit të saj botëror 'Rebel Heart', i kërkoi gjykatëses të detyrojë ish-bashkëhsortin të dërgojë djalin e tyre 15-vjeçar, Rocco, në New York.
Avokati përfaqësues i Ritchie u përgjigj se adoleshenti 'ka shprehur shumë qartë se nuk dëshiron të kthehet në Neë York', raporton New York Daily News. I pyetur nga gjykatësja nëse 47-vjeçari Ritchie e ka penguar djalin e tij të kthehet në SHBA, avokati i producentit u përgjigj: 'Efekivisht po'.
Kështu gjykatësja e çështjes vendosi që Rocco duhet të kthehet në New York dhe të flasë me mamanë e tij, përpara se të vendosë se me cilin prind dëshiron të qëndrojë.
Madonna dhe Ritchie u lidhën në vitin 1998 dhe ylli i muzikës solli në jetë djalin Roço dy vjet më vonë, në 11 gusht të 2000-shit. Vogëlushi ishte fëmija i parë për Ritchie-n dhe i dyti për këngëtaren, që ka një vajzë të quajtur Lourdes nga një lidhje e mëparshme me aktorin Carlos Leon.
Katër muaj pas lindjes së djalit, çifti u martua më 22 dhjetor në Skoci. Në vitin 2006, mirëpritën një tjetër fëmijë, kur adoptuan një fëmijë në Malawi, David. Ata njoftuan se po shkonin drejt ndarjes në tetor të 2008-ës dhe divorci i tyre u finalizua në dhjetor. Çifti ra dakort që të kenë kujdestari të përbashkët të djemve Rocco dhe David, të cilin do ta ndanin kohën dhe jetën e tyre mes shtëpisë së babait në Londër dhe shtëpisë së Madonna-s në New York. Artistja adoptoi një tjetër fëmijë nga Malawi, pas ndarjes së tyre në 2009-n.
Ndërkohë, Ritchie tashmë ka 2 djem Rafael (lindur në 2011-ën) dhe Levi (lindur në 2014-ën), dhe vajzën Rivka (lindur në 2012-ën) me gruan e tij Jacqui Ainsley, me të cilin u martua në korrikun e kaluar.
Burimi; DailyMail; Përshtati: Jolinda Levonja
