A mund të shkojë Franca në zgjedhje të parakohshme, ndërsa qeveria përballet me dy vota mosbesimi?
Ndërsa qeveria përballet me kërcënimin e dy mocioneve të mosbesimit, kryeministri Sébastien Lecornu i ka kërkuar ministrit të Brendshëm, Laurent Nunez, të shqyrtojë mundësinë e mbajtjes së zgjedhjeve të përgjithshme të parakohshme së bashku me zgjedhjet lokale më 15 dhe 22 mars, sipas disa mediave franceze dhe agjencisë së lajmeve AFP.
Ky veprim vjen pasi Tubimi Kombëtar (RN) i ekstremit të djathtë dhe Partia Radikale e Majtë France Unbowed (LFI) paraqitën mocione mosbesimi kundër qeverisë, duke përmendur dështimin e saj për të parandaluar miratimin e marrëveshjes tregtare BE-Mercosur.
Të dy mocionet pritet të debatohen në Asamblenë Kombëtare javën e ardhshme, midis të martës dhe të mërkurës, nëse ndonjëri prej tyre miratohet, qeveria do të shpërbëhet, duke shkaktuar zgjedhje të parakohshme.
"Moment fatal"për Danimarkën mes kërcënimeve të Trump për të marrë Groenlandën
Duke folur në një debat të liderëve të partisë në një tubim politik të dielën, kryeministrja daneze tha se vendi i saj ishte “në një udhëkryq”.
Komentet e saj erdhën përpara një jave vendimtare me marrëdhëniet gjithnjë e më të tensionuara midis Danimarkës, Groenlandës dhe SHBA-së.
"Ajo që është në rrezik është më e madhe nga sa mund të shohë syri, sepse nëse ajo që përjetojmë nga amerikanët është se ata në fakt po i kthejnë shpinën aleancës perëndimore, se po i kthejnë shpinën bashkëpunimit tonë në NATO duke kërcënuar një aleat, gjë që nuk e kemi përjetuar më parë, atëherë gjithçka do të ndalet," u shpreh ajo.
Të paktën 544 të vrarë në protestat në Iran, thonë aktivistët, ndërsa Trump thotë se Teherani ka propozuar bisedime
Presidenti i SHBA-së, Donald Trump, tha të dielën se Irani propozoi negociata pas kërcënimit të tij për të goditur Republikën Islamike për shkak të shtypjes së protestuesve, ndërsa aktivistët njoftuan se numri i të vdekurve kishte rritur në të paktën 544.
Sipas një raporti nga Agjencia e Lajmeve të Aktivistëve të të Drejtave të Njeriut me seli në SHBA, mbi 10,600 persona janë arrestuar gjatë dy javëve të protestave. Sa i takon personave që kishin humbur jetën 48 ishin personel sigurie dhe 496 ishin demonstrues.
Në një deklaratë për gazetarët Donald Trump tha:
“Takimi po caktohet, por mund të na duhet të veprojmë për shkak të asaj që po ndodh para takimit. Por, një takim po caktohet. Irani telefonoi, ata duan të negociojnë.”
Pronari i barit zviceran në zjarrin e natës së Vitit të Ri pranon se dera e shërbimit ishte e mbyllur nga brenda
Janë zbuluar detaje të reja rreth zjarrit në barin Le Constellation në vendpushimin zviceran të skive Crans-Montana, i cili mori 40 jetë në natën e Vitit të Ri.
Një derë shërbimi në bodrum ishte e mbyllur nga brenda dhe këtë e pranoi pronari i barit Jacques Moretti, i cili tha se gjeti disa trupa të pajetë kur e hapi derën nga jashtë.
Ky detaj është me rëndësi thelbësore për hetimin dhe nëse vërtetohet ata rrezikojnë të përballen me akuza të rënda.
