Këshilli i Sigurimit i OKB-së voton për të mbështetur planin e Donald Trump-it për Gazën
Këshilli i Sigurimit të OKB-së miratoi planin e Donald Trump për Gazën, i cili përfshin një forcë ndërkombëtare stabilizimi dhe një rrugë të mundshme drejt shtetit palestinez, me 13 vota pro dhe abstenim nga Rusia e Kina.
Plani hasi kundërshtim nga Netanyahu, që ripërsëriti se Izraeli nuk pranon shtet palestinez, dhe nga Hamasi, që e quajti “kujdestari ndërkombëtare të imponuar” duke refuzuar çarmatimin.
Kievi do të blejë 100 avionë luftarakë Rafale, dronë dhe sisteme mbrojtjeje ajrore nga Franca
Ukraina ka nënshkruar një marrëveshje të re 10-vjeçare me Francën për blerjen e deri në 100 avionëve luftarakë Rafale, dronëve dhe sistemeve të mbrojtjes ajrore, të cilën Zelenskyy e quajti “historike”.
Ndërkohë, sulmet ruse kanë shkaktuar viktima në Kharkiv dhe Dnipropetrovsk, ndërsa një sërë goditjesh të tjera, po rrisin tensionet në rajon.
Shirat e rrëmbyeshëm shkaktojnë përmbytje të mëdha në Italinë verilindore
Reshjet e dendura të shiut shkaktuan përmbytje të mëdha në verilindje të Italisë, duke mbuluar disa qytete të rajonit Friuli Venezia Giulia.
Zjarrfikësit kryen dhjetëra operacione shpëtimi, përfshirë evakuime me varka për banorët e bllokuar në shtëpitë e tyre.
Ndërkohë, vijon kërkimi për dy persona të zhdukur pasi një rrëshqitje dheu goditi një banesë në Brazzano di Cormons.
Social Demokratët rrezikojnë Kopenhagën pas 100 vitesh
Kopenhaga, kryeqyteti i Danimarkës, mund të bjerë nga duart e qendrës së majtë për herë të parë në historinë e tij, pasi banorët po votojnë mes pakënaqësisë ndaj politikave përçarëse të kryeministres Mette Frederiksen.
Sondazhet tregojnë se partitë e tjera të majta mund të krijojnë shumicë pa Social Demokratët, të cilët kanë drejtuar qytetin për mbi 100 vjet.
Analistët thonë se zhvendosja e Social Demokratëve drejt së djathtës ka larguar votuesit urbanë, duke rrezikuar dominimin historik të partisë në kryeqytetin danez.
