Edi Rama premton se do të vihet në dispozicion një fond për barnat kundër kancerit
Edi Rama, gjatë takimit të tij me banorët e njësisë 2 në Tiranë, foli ndër të tjera për rastin e skandalit të Onkologjikut, në të cilin rezultoi se pacientëve me kancer, në vend të flakonit, u jepej serum me ujë fizioligjik e më pas, flakoni shitej në treg të zi. Rama tregoi se pritet një transformim i jashtëzakonshëm dhe se një fond i posaçëm do të vihet në funksion të barnave kundër kancerit.
Ai shtoi se barnat, pavarësisht se janë shumë të shtrenjta, përmbushin nevojat që sa vijnë e rriten, pasi kanceri po përhapet në të gjithë botën, duke argumentuar se kjo dëshirë ka ekzistuar edhe më parë, por s’ka qenë mundësia ekonomike.
“Sot është mundësia, sepse është rritur ekonomia dhe rriten të ardhurat”, u shpreh kryeministri.
Autobosi përplas disa persona në Stokholm, duke shkaktuar viktima dhe të lënduar
Gjatë ditës së premte, një aksident i rëndë ndodhi në Stokholm, ku një autobus u përplas në një stacion në lagen “Ostermalm”, duke përplasur disa persona. Sipas Këshillit të Qarkut, 5 persona u plagosën, 2 prej të cilëve po marrin trajtim në spital.
U konfirmua edhe se dy prej tyre humbën jetën. Policia, ndërkohë, po heton për rastin si një vdekje nga pakujdesia dhe shoferi është arrestuar.
Afrikë/ Vendi përballet me shpërthimin më të keq të kolerës në 25 vitet e fundit
Afrika është duke luftuar me shpërthimin më të keq të kolerës në 25 vitet e fundit, sipas Jean Kaseya, drejtori i përgjithshëm i Qendrave Afrikane për Kontrollin dhe Parandalimin e Sëmundjeve. Ai, në një konferencë online, pohoi se kontinenti ka regjistruar mbi 300,000 raste të reja të kolerës gjatë këtij viti, pra 30% më shumë se në vitin 2024.
Infrastruktura dhe konfliktet e vazhdueshme në vend janë disa prej arsyeve pse Afrika po haset me këtë vështirësi. Angola ka raportuar mbi 33,000 raste dhe 859 vdekje në vit. Edhe në Burundi situata është e vështirë.
Kolera është e përhapur në 23 vende në Afrikë dhe sëmundja shkaktohet nga konsumimi i ujit ose ushqimit të kontaminuar.
Itali/ 1 në 4 adoleshentë marrin këshilla psikologjike nga inteligjenca artificiale
Më shumë se 1 në katër adoleshentë në Itali kërkojnë këshilla dhe marrin mbështetje psikologjike nga inteligjenca artificiale. Raporti i ri i “Save the Children” tregon se 41.8% e të rinjve u janë drejtuar aplikacioneve me chatbot-e artificialë për simptoma si trishtimi, ankthi, apo gjendje vetmie.
Mbi 92% e të rinjve të moshës 15-19 vjeç përdorin inteligjencën artificiale, ndërsa të rriturit kanë kapur shifrën 46-7%. Më shumë se 42% e njerëzve i kanë kërkuar inteligjencës artificiale mendim për vendime të rëndësishme.
Raporti më tej vijon, duke nënvizuar se gjysma e adoleshentëve italianë, prej 1 viti nuk kanë vizituar një muze apo ekspozitë dhe thuajse 1 në 5 prej tyre, nuk bën asnjë aktivitet fizik.
