Thirrje ndërkombëtare për armëpushim urgjent në Sudan pas mizorive në Darfur
Ministrat e Jashtëm të Mbretërisë së Bashkuar, Gjermanisë dhe Jordanisë kanë bërë një thirrje të përbashkët për një armëpushim të menjëhershëm në Sudan, pasi u zbuluan mizori dhe shkelje të mundshme të të drejtave të njeriut në rajonin Darfur të këtij vendi të Afrikës Lindore.
Në deklaratë, situata në Sudan, i përfshirë në një luftë të përgjakshme civile për më shumë se dy vjet, përshkruhej si “e zymtë” dhe “apokaliptike”, pasi një forcë paramilitare mori nën kontroll qytetin e fundit të madh në rajonin perëndimor të vendit.
Zyrtarë të Kombeve të Bashkuara kanë paralajmëruar se luftëtarët e forcës paramilitare Rapid Support Forces (RSF) kanë sulmuar qytetin al-Fasher, duke vrarë, sipas raportimeve, më shumë se 200 civilë.
D66 shpallet fituese ndaj partisë së ekstremit të djathtë PVV në zgjedhjet holandeze
Partia liberale qendrore D66 ka dalë zyrtarisht fituese ndaj partisë së ekstremit të djathtë Partia për Liri (PVV), duke u shpallur fituesja më e madhe e zgjedhjeve të parakohshme parlamentare të kësaj jave, që u zhvilluan me garë tepër të ngushtë.
Me pothuajse të gjitha votat e numëruara, agjencia holandeze ANP njoftoi se partia e Geert ëilders-it, PVV, nuk ka më mundësi ta kapërcejë D66, e drejtuar nga Rob Jetten.
Kanë mbetur për t’u numëruar vetëm votat nga një bashki e vetme, Venray, ku një zjarr në bashki vonoi procesin e numërimit, si dhe votat me postë nga qytetarët që jetojnë jashtë vendit, rezultatet e të cilave pritet të shpallen deri të hënën. Sipas bilancit më të fundit, D66 kryeson me 15,155 vota më shumë.
Zelensky: 170 mijë trupa ruse të vendosura në Donetsk po tentojnë të marrin Pokrovskun
Rusia ka vendosur rreth 170,000 trupa në rajonin lindor Donetsk të Ukrainës, ku po përpiqet të marrë nën kontroll bastionin Pokrovsk, në një ofensivë të madhe për fitore në fushën e betejës, deklaroi të premten presidenti ukrainas Volodymyr Zelensky.
“Situata në Pokrovsk është e vështirë,” tha Zelenskyy, duke mohuar megjithatë pretendimet e fundit ruse se qyteti i shkatërruar është i rrethuar pas më shumë se një viti luftimesh.
Ai pranoi se disa njësi ruse kanë depërtuar në qytet, por theksoi se mbrojtësit ukrainas po i neutralizojnë ato.
Katër bullgarë dënohen për vandalizimin e Memorialit të Holokaustit në Paris
Një gjykatë në Paris ka dënuar me burg katër shtetas bullgarë për vandalizimin e Memorialit të Holokaustit në Paris dhe disa ndërtesave të tjera me grafite të “duarve të kuqe” në maj të vitit 2024, një akt që gjyqtarët e lidhën me një fushatë të koordinuar të ndërhyrjes së huaj ruse, e cila synonte nxitjen e tensioneve në Francë.
Gjykata i shpalli të katërtit fajtorë për vandalizëm dhe komplot kriminal.
Nikolay Ivanov, i përshkruar si një nga organizatorët kryesorë, u dënua me katër vjet burg dhe me ndalim të përhershëm hyrjeje në territorin francez.
Mircho Angelov, i gjykuar në mungesë pasi është ende në arrati, u dënua me tre vjet burg dhe ndaj tij është lëshuar një urdhër arresti.
