Kylie Jenner njihet për stilin e saj ekstravagant, veçanërisht në eventet kryesore të modës, të cilat rrallëherë i humbet. Por ndonjëherë, edhe ajo gabon, madje, me kodin e veshjes. Së fundmi, ajo shpjegoi për Vogue se pse zgjodhi të vishej me një fustan në ngjyrë ari dhe të hapur në dasmën e Hailey dhe Justin Bieber në 2019-n.
“Mendoj se disa njerëz u mërzitën pak që unë shkova përtej,” tha Kylie për Vogue, në një intervistë të re, duke iu referuar fustanit të krijuar nga J’Aton Couture.
Themeluesja e Kylie Cosmetics rrëfeu më pas arsyen pse zgjodhi fustanin, i cili pothuajse i mori të gjithë vëmendjen fustanit të mahnitshëm të nusërisë së Hailey-t, i krijuar nga Virgil Abloh për Off-White.
“Besoj se nuk do ta vishja më këtë fustan në dasmën e dikujt,” pranoi ylli i “The Kardashians”. “Por mendoj se kisha përshtypjen se njerëzit do të shkonin të veshur në mënyrën më të mirë të mundshme dhe mua më pëlqeu ajo pamje.”
Dasma luksoze e Justin dhe Hailey-t, e mbushur me të ftuar VIP-a, u zhvillua në shtator 2019 pas një ceremonie civile në shtator 2018 dhe Kylie zbuloi se e shijoi plotësisht mbrëmjen.
“Ishte një nga netët më të mira, vërtet e kam. Unë isha e fundit që u largova nga dasma”, u shpreh ajo.
Në atë kohë, Kylie u përball me reagime negative pasi u fotografua duke pozuar me fustanin e J’Aton Couture, që kishte një prerje deri në kofshë.
“Nuk shkon në një dasmë duke u përpjekur të dukesh më bukur se nusja… je thjesht e pafytyrë,” shkroi një person në Instagram asokohe. Në X, një person tjetër shkroi: “Mendoj se duhet të jesh shumë më e thjeshtë se nusja! Kjo nuk ishte dasma jote!”.
Një tjetër e cilësoi këtë zgjedhje fustani si "mungesë respekti" dhe një komentues tjetër tha se do të “merrte policinë” nëse dikush do të vishej me fustanin që rrëmben vëmendjen në dasmën e saj.
Kylie dhe Hailey, të dyja 28 vjeçe, janë shoqe të vjetra dhe shpesh janë fotografuar duke kaluar kohë bashkë, kështu që duket se nuk ka asnjë tension për veprimin e Kylie-t.
Hailey u shfaq në një event të Kylie Cosmetics në West Hollywood të premten. Modelja kishte veshur një fustan të zi, ndërsa Kylie me një fustan ngjyrë rozë.
