Shtohen zërat Kim Kardashian dhe Odell Beckham Jr. janë çift. Ata u fotografuan nga paparacët këtë të shtunë në Las Vegas. Çifti ishte bashkë duke ecur në një prej hoteleve luksoze, ku po mbahej një festë para Super Bowl.
E veshur me kapele kauboj, pantallona të gjera në fund dhe një jelek që i nxirrte gjithë shpinën në pah, ylli televiziv, u përpoq shumë të mbulonte fytyrën dhe t’u fshihej paparacëve.
Dyshimet për një lidhje mes Kim dhe sportistit nisën që në shtator të vitit që shkoi. Ndërsa ditët e fundit u fol për një raport ekskluziv mes tyre.
Burimet pranë Kardashian kanë zbuluar se ajo e ka nisur lidhjen që në verën e shkuar dhe nuk po del me askënd tjetër për momentin, të paktën jo me aq sa dinë miqtë e saj të ngushtë.
Të dy duan ta mbajnë romancën e tyre private, në respekt të djalit të sportistit i cili është vetëm 1 vjeç.
Kjo është hera e parë që Odell dhe Kardashian janë fotografuar bashkë!
Artikuj të sugjeruar:
