“Unë jam një person shumë i hapur, por nuk do të jem në gjendje që të tregohem plotësisht e sinqertë në lidhje me aspekte të caktuara të divorcit, sepse ka fëmijë të përfshirë,” tha Kelly Clarckson në një intervistë për Los Angeles Times.
“Mendoj se do të jem e hapur dhe e sinqertë në mënyrë organike, pra kur më pyesin në bisedë ose diçka e ngjashme. Padyshim që nuk do të jetë kurrsesi e planifikuar.”
“Por në mes janë fëmijët e mi dhe fëmijët e tij më të mëdhenj – ka shumë zemra të përfshira dhe nëse njerëzit nga jashtë thonë ‘Oh, Zot! Çfarë humbje’, imagjinoni si duhet të jetë në epiqendrën e stuhisë,” tha Clarkson. “Ka shumë për t’u përpunuar dhe trajtuar si familje.”
Në qershor, Kelly kërkoi të divorcohej nga partneri i saj, Brandon Blackstock, pas shtatë vitesh martesë. Ata kanë bashkë dy fëmijë, vajzën River Rose, 6 vjeç dhe djalin Remington Alexander, 4 vjeç, përveç dy fëmijëve nga martesa e mëparshme e Blackstock.
Sidoqoftë, Kelly shtoi se shumë detaje mund të zbulohen përmes muzikës.
Duket se çifte kishte probleme prej muajsh dhe u përpoqën t'i zgjidhnin duke kaluar shumë kohë në prani të njëri-tjetrit. Ata u karantinuan larg Los Angeles-it për t'i kthyer gjërat në normalitet, por në fakt, rezultoi krejt ndryshe. Karantina dhe mjedisi që i rrethoi për muaj me radhë, vetëm sa e bindi çiftin përfundimisht për t'u divorcuar.
