Duket se aktorja e famshme është ngatërruar shpesh nga fansat me një tjetër aktore, thuajse të të njëjtit kalibër! Në një intervistë “Access Hollywood”, ylli i “Mare of Easttown” u shpreh se njerëzit e kanë ngatërruar me Cate Blanchett.
Kate Winslet tha se “të ngatërrohesh me Cate Blanchett është një kompliment i madh” dhe nuk e merr fare me rezerva si ngatërresë.
“Oh, Elizabeth, të kam adhuruar në çdo film tëndin,” thotë Kate për rastin kur njerëzit e kanë ngatërruar me Cate dhe rolin e saj protagonist të kësaj të fundit në filmin me të njëjtin emër. Kate thotë se i ka falënderuar fansat, pavarësisht ngatërresës. “Pra, thjesht ndodh,” shton aktorja Winslet.
Aktorja Cate është australiane, ndërsa Kate është angleze, e të dyja së fundmi kanë diskutuar mbi ngatërresën që u bëjnë njerëzit. Në “The Graham Norton Show”, ato të dyja u shprehën se janë përballur me këto ngatërresa, por çdo situatë e kanë marrë me të qeshura dhe pa asnjë rezervë.
Ky nuk është rasti i parë që të famshmit e Hollowood-it ngatërrohen nga njerëzit. Gjatë një interviste në vitin 2019, Brad Pitt tha se ngatërrohej shpesh me Matt Damon.
"Unë në fakt kam nënshkruar shumë autografe si Matt," tha Brad për BBC Radio 1. "Ata do e kuptojnë më vonë këtë, por nuk është faji im," u shpreh Pitt.
Artikuj të sugjeruar:
Burimi: HuffPost
